Виртуалды карта

Заманауи банк қызметтері бүгінде смартфон арқылы қолжетімді. Виртуалды карта кәдімгі пластикалық картаның орнына қолдануға болатын толыққанды қаржылық құралға айналды. Картаны онлайн бірнеше минут ішінде ашып, оны бірден жазылымдарға ақы төлеуге, интернетте сауда жасауға немесе жақындарыңызға ақша аударуға пайдалана аласыз. Қазақстанда виртуалды карталар кеңінен қолданылады, өйткені бұл өте ыңғайлы әрі ең бастысы — уақытыңызды үнемдейді. 

Виртуалды банк картасы дегеніміз не және ол қалай жұмыс істейді?

Бұл — цифрлық форматтағы толыққанды банк өнімі. Күнделікті қолданыста оны әртүрлі атайды: цифрлық карта, электрондық карта немесе интернет-карта / интернет-банкинг картасы. Атауына қарамастан, мәні бір: физикалық пластик карта болмайды, ал банк картасының негізгі функциялары толық сақталады. Төлем жасауға қажетті барлық карта деректемелері қолжетімді:

• 16 саннан тұратын бірегей карта нөмірі;

• белгіленген жарамдылық мерзімі;

• операцияларды растауға арналған қорғаныс CVV/CVC-коды.

Виртуалды картаны ашуды шешкен кезде, банк шот ашып, оған цифрлық деректемелерді байланыстырады. Балансты толықтырғаннан кейін кез келген қызметтің ақысын бірден төлей аласыз.

Виртуалды карта пластикалық картадан несімен ерекшеленеді?

Негізгі айырмашылығы бірден көрінеді: виртуалды карта физикалық пластиксіз шығарылады. Кәдімгі пластик картаны оңай сызып алуға, жоғалтып алуға немесе банкоматта ұмытып кетуге болады. Цифрлық өнім жағдайында мұндай қауіптер жоқ. Кез келген цифрлық банк картасын бірнеше рет басу арқылы рәсімдеуге болады, ал пластикалық картаны жеткізу әрқашан уақытты қажет етеді.

Сонымен қатар виртуалды дебеттік карта бір реттік немесе уақытша карта болып саналмайды. Бұл — бірнеше жыл бойы пайдалануға болатын ұзақ мерзімді өнім. Оны смартфон экраны арқылы ыңғайлы басқаруға болады, ал кейін пластикалық нұсқасы қажет болса, оған қосымша тапсырыс беруге болады.

Bereke Bank виртуалды картасының мүмкіндіктері

Bereke Bank ұсынатын цифрлық өнім күнделікті қаржылық қажеттіліктерге арналған. Кез келген интернет-дүкенде тауарлар мен қызметтерге, коммуналдық төлемдерге немесе танымал стримингтік сервистерге оңай төлем жасай аласыз. Карта арқылы телефон нөмірі немесе шот деректемелері бойынша ақша аудару да ыңғайлы. Мобильді банкинг арқылы қаражатыңыздың қозғалысын толық бақылауға болады: шотыңыздан қанша ақша жұмсалғанын және балансыңызды әрдайым көре аласыз.

Қолма-қол ақшасыз операцияларды жүзеге асыру үшін келесі мүмкіндіктер қолжетімді:

1. Bereke мобильді қосымшасы немесе банкоматтар арқылы картаны комиссиясыз толықтыру.

2. Лезде төлемдер жүйесі арқылы банк ішінде және Қазақстан бойынша жылдам аударымдар жасау.

3. Деректемелер бойынша халықаралық аударымдар жасауға және шетелдік сервистерде онлайн төлем жасауға болады.

4. Физикалық картаны пайдаланбай, кез келген дүкенде NFC арқылы қолма-қол ақшасыз төлем жасау.

Халықаралық төлем стандарттарын қолдайтын интернет-карта шетел валютасындағы төлемдерді қолданыстағы бағам бойынша жасауға мүмкіндік береді. Интернеттегі төлемдер, соның ішінде шетелдік сервистерге жасалатын төлемдер де, жылдам әрі қауіпсіз жүзеге асырылады.

Смартфон арқылы төлем жасау және интернетте сауда жасау

Заманауи технологиялардың арқасында контактісіз төлем кез келген терминалда жұмыс істейді. Картаны танымал цифрлық әмияндарға оңай қосуға болады, сондықтан смартфон арқылы төлем жасауға небәрі бірнеше секунд кетеді. Картаны мына сервистерге қосуға болады: iOS құрылғыларына арналған Apple Pay, Android негізіндегі смартфондарға арналған Google Pay, фирмалық құрылғыларға арналған Samsung Pay.

Физикалық сауда орындарында төлем NFC арқылы жүзеге асырылады, ал интернеттегі тапсырыстар үшін карта деректемелерін тікелей қосымшадан көшіруге болады. Бұл — жылдам әрі қауіпсіз.

Виртуалды картаны Қазақстанда онлайн қалай ашуға болады?

Рәсімдеу процесі барынша жеңілдетілген және құжат жинауды қажет етпейді. Сізге интернетке қосылған смартфон және бірнеше минут бос уақыт қажет. Барлық рәсімдеу процедурасы операторға қоңырау шалмай-ақ, банктің ресми мобильді қосымшасы арқылы жүзеге асырылады.

Виртуалды картаны Bereke қосымшасында қалай алуға болады?

Виртуалды картаны Қазақстанда ашу үшін алдымен ресми банк қосымшасын телефонға жүктеп алыңыз. Содан кейін жылдам тіркеу рәсімінен өтіңіз. Виртуалды дебеттік картаны онлайн рәсімдеу үшін арнайы батырманы басыңыз. Жаңа карта бірден басты экранда пайда болады. Енді балансты толықтырып, сауда жасаудан ләззат алыңыз.

Пластикалық картаны алуға бола ма?

Егер қолыңызда классикалық пластикалық картаны ұстаған ыңғайлырақ болса, банк мұндай мүмкіндікті ұсынады. Қосымшада цифрлық банк картасын ашқаннан кейін, физикалық картасына тапсырыс бере аласыз.

Оны жақын жердегі бөлімшеден 10 минут ішінде алып кетуге болады. Сондай-ақ Алматы, Астана және Шымкент қалаларында картаны курьер арқылы жеткізу қызметі қолжетімді. Бұл ретте негізгі құрал ретінде цифрлық шотыңыз қала береді.

Виртуалды картаны пайдалану шарттары

Қызмет көрсету шарттары мен тарифтік жоспарлар туралы ақпарат төменде келтірілген:

B-Bonus бағдарламасы таңдалған санаттарда 20%-ға дейін кешбэк ұсынады (1 бонус = 1 ₸). Картадағы қалдық 500 000 ₸-ден кем болмаса, барлық төлемдерге 5% тұрақты кешбэк алуға болады. Бонустарды жинау лимиті депозиттер көлеміне байланысты айына 15 000-нан 200 000 ₸-ге дейін болады. 

Қауіпсіздік және виртуалды карта

Деректер виртуалды картаның қорғалған мобильді қосымшасында сақталады. Тәуекелдерді азайту үшін күнделікті операцияларға лимиттер белгілеп, қажет болған жағдайда картаны тікелей қосымшада бірден бұғаттауға болады. Операциялар тарихын үнемі тексеріп отыру шығындарды бақылауға көмектеседі. Төлемдердің қауіпсіздігі қарапайым ережелерді сақтауға да байланысты: SMS арқылы келген кодтарды және операцияларды растауға арналған басқа да деректерді ешкімге хабарламаңыз.

Виртуалды карта кімдерге қолайлы?

Картаның цифрлық форматы жылдамдықты, жайлылықты және қаржысының қауіпсіздігін бағалайтын адамдар үшін өте қолайлы. Бұл өнім заманауи адамның өмір ырғағын ескере отырып әзірленген.

Мұндай виртуалды карта келесі жағдайларда әсіресе ыңғайлы:

1. Онлайн-шопингті ұнататындар үшін: маркетплейстерде және сайттарда интернет арқылы қауіпсіз төлем жасауға мүмкіндік береді.

2. Сервистерді белсенді пайдаланатындар үшін: тұрақты жазылымдар, ойындар, музыкалық және стримингтік платформалар үшін қаражатты автоматты түрде есептен шығаруға ыңғайлы.

3. Контактісіз төлемді ұнататындар үшін: Apple Pay, Google Pay немесе Samsung Pay арқылы кез келген дүкенде, кафеде және дәріханада смартфонмен жылдам төлем жасауға болады.

4. Картаны «дәл қазір» қажет ететіндер үшін: курьерді күтпей және банкке бармай-ақ, картаны бірнеше минут ішінде онлайн ашуға болады.

5. Қаржысын қосымша арқылы басқаруды қалайтындар үшін: шығындарды толық бақылау, лимиттерді басқару және операциялар тарихы әрдайым қолжетімді.

6. Саяхатшылар мен шетелдік интернет-дүкендерде сауда жасағанды ұнататындар үшін: шетелде төлем жасауға және шетелдік сервистерге онлайн төлем жасауға ыңғайлы.

Енді пластикалық картаны өзіңізбен бірге алып жүрудің немесе оны жоғалтып алудан алаңдаудың қажеті жоқ. Ыңғайлы виртуалды дебеттік карта күнделікті төлемдерді жасауға және қаржыңызды тікелей смартфон арқылы басқаруға мүмкіндік береді.