Бағалы металдан жасалған монеталар

Қымбат металдардан жасалған монеталарды банктің филиалдарында/бөлімшелерінде сатып алуға болады, олардың бар-жоғын алдын ала нақтылап алу қажет.

Қымбат металдардан жасалған монеталар – туыстарға, таныстарға және жұмыс бабымен серіктестерге тарту етуге болатын керемет сыйлық. Сонымен қатар, бұл инвестиция салудың қызықты әрі тиімді түрі және де коллекциялық зат болып саналады.

Егер сіз қымбат металдардан жасалған монетаның иесі болсаңыз, монетаңыздың жағдайын "тамаша" күйде ұстау үшін және бағасын жоғалтпау үшін кейбір жеңіл талаптарды орындаңыз. Монетаны қолыңызбен ұстамаңыз, себебі оның бетінде қалған саусақ ізі мен май қалдықтары монетаның беткі қабатымен химиялық реакцияға түсіп, тотығу іздерін қалдырады. Монетаның бетін қорғау үшін монеталардың көпшілігі пластикалық капсулаларға оралған, оларды ашпаған жөн.

Монетаны жууға және сүртуге болмайды. Бұл әрекеттер монетаның бетіне қажетсіз химиялық элементтердің түсуіне алып келеді, монетаның өрісімен жанасып, оны зақымдайды. 

Монетаны тастамаңыз және монетаның жиынтығын мұқият сақтауға тырысыңыз. Бұл оның құнын сақтап қалуға мүмкіндік береді.

Аверс – монетаны шығарған мемлекеттің ресми нышанының (елтаңбасының) суреті, монархтың портреті, шығарылған жылы мен номиналы көрсетілген монетаның бет жағы.

Реверс – монетаның тақырыбына қатысты негізгі кескін бейнеленген монетаның артқы жағы. Техникалық параметрлері – металдың түрі, салмағы, сынамасы монетаның бет жағында да, артқы жағында да орналасуы мүмкін.

Гурт – бұл монетаның бүйір беті. Көбінде монеталардың гурт бөлігі кедір-бүдір болып келеді, сирек жағдайда тегіс болады. Кейде гуртқа жазу жазылады.