Клиент келісімі

Клиент келісімі (бұдан әрі – Келісім) Банктің қарыз беруіне/мүмкін беруіне байланысты және қарыз беруге байланысты өзге де мәмілелер бойынша «Bereke Bank» АҚ (бұдан әрі – Банк) мен менің арамыздағы қатынастарды реттейтінін, сондай-ақ дербес деректерді жинау және өңдеу талаптары мен ерекшеліктерін қарастыратынын қабылдаймын.

1. Мыналарға өзімнің сөзсіз келісімімді беремін:

Банкке қағаз, материалдық тасығыштарда, сондай-ақ электронды түрде/форматта, Банктің/операторлардың/деректер базасы иелерінің/үшінші тұлғалардың жүйелерінде, сервистерінде және/немесе деректер базасында, сондай-ақ жалпыға қолжетімді көздерде менің дербес деректерімді жинауға, өңдеуге;
Банктің менің дербес деректерімді құрайтын мәліметтерді осы Келісімнің 2-тармағында көрсетілген, Банк пен менің арамда, Тұлғалар мен менің арамда жасалған (жасалуы мүмкін) кез келген мәмілелерді/операцияларды жасасуға және/немесе орындауға және/немесе қызмет көрсетуге/сүйемелдеуге, оның ішінде техникалық, қатысы бар және/немесе болуы мүмкін тұлғаларға беруіне (таратуына);
Банк/Тұлғалар мен менің арамда жасалған (жасалуы мүмкін) кез келген мәмілелерді/операцияларды жасасуға және/немесе орындауға және/немесе қызмет көрсетуге/сүйемелдеуге, оның ішінде техникалық, қатысы бар және/немесе болуы мүмкін тұлғаларға менің дербес деректерімді жинауға және өңдеуге;
Тұлғалардан алынатын менің дербес деректерімді Банктің жинауына және өңдеуіне;
Банк/Тұлға мен менің арамда жасалған (жасалуы мүмкін) кез келген мәмілелерді/операцияларды жасасуға және/немесе орындауға және/немесе қызмет көрсетуге/сүйемелдеуге, оның ішінде техникалық, қатысы бар және/немесе болуы мүмкін тұлғаларға Банктің банктік құпияны құрайтын мәліметтерді ашуына; Бұл ретте мұндай мәліметтерді ашу тәртібі мен тәсілдерін Банк дербес анықтайды;
«Қазақстан Республикасы Ұлттық Банкінің Қазақстан банкаралық есеп айырысу орталығы» шаруашылық жүргізу құқығындағы РМК (бұдан әрі – ҚБЕО), «Мемлекеттік кредиттік бюро» АҚ, «Ұлттық ақпараттық технологиялар» АҚ (бұдан әрі – «ҰАТ» АҚ) менің дербес деректерімді, оның ішінде биометрикалық деректерді жинауға және өңдеуге, оның ішінде ҚБЕО, «Мемлекеттік кредиттік бюро» АҚ, «ҰАТ» АҚ мен туралы ақпаратты мемлекеттік деректер базасынан және операторлардан/мемлекеттік деректер базасының иелерінен алуға; ҚБЕО, «Мемлекеттік кредиттік бюро» АҚ, «ҰАТ» АҚ және мемлекеттік деректер базасының мен туралы мемлекеттік деректер базасынан алынған ақпаратты Банкке беруіне; Мемлекеттік деректер базасының иелеріне мен туралы ақпаратты «Мемлекеттік кредиттік бюро» АҚ, ҚБЕО, «ҰАТ» АҚ барлық мемлекеттік деректер базасынан тікелей немесе үшінші тұлғалар арқылы беруіне; Банктің мен туралы ақпаратты мемлекеттік деректер базасынан және операторлардан/мемлекеттік деректер базасының иелерінен «Мемлекеттік кредиттік бюро» АҚ, ҚБЕО, «ҰАТ» АҚ немесе үшінші тұлғалар арқылы алуына;
кредиттік бюролардың менің деректермді зейнетақы жарналарын тарту және сақтау жөніндегі қызметті жүзеге асыратын заңды тұлғаға шектеусіз беруіне; зейнетақы жарналарын және зейнетақы төлемдерін тарту және сақтау жөніндегі қызметті жүзеге асыратын заңды тұлғаның кредиттік бюро мен туралы қолда бар және болашақта келіп түсетін ақпаратты беруіне, сондай-ақ кредиттік бюролардың Банкке жоғарыда көрсетілген ақпаратты беруіне (таратуына);
кредиттік бюролардың Банкке бірыңғай сақтандыру деректер базасының субъектісі ретінде бірыңғай сақтандыру деректер базасынан мен туралы ақпарат беруіне;
кредиттік бюролардың Банкке ұсынуына/Банктің Кредиттік бюролардан алуына: болашақта түсетін деректерді қоса алғанда, кредиттік есепті; мен туралы соңғы ақпаратты алған күннен кейін кредиттік бюрода ақпарат 5 жылдан астам сақталатын қарыздар бойынша менің кредиттік тарихым туралы кредиттік есепті алуға;
зейнетақы мен жәрдемақы төлеу жөніндегі қызметті жүзеге асыратын заңды тұлғаның мен туралы Банкке қолда бар және болашақта келіп түсетін ақпаратты беруіне, сондай-ақ Банктің осындай заңды тұлғаға мен туралы қолда бар және болашақта келіп түсетін ақпаратты беруіне;
мемлекеттік және мемлекеттік емес деректер базасының мен, туыстық байланыстар туралы ақпаратты Банкке, кредиттік бюроларға, деректер базасының операторларына, сондай-ақ кредиттік бюроларға, деректер базасы операторларының Банкке - барлық мемлекеттік және мемлекеттік емес деректер базасынан тікелей немесе үшінші тұлғалар арқылы беруіне;
Қазақстан Республикасы Үкіметінің немесе басқа органның шешімі бойынша Қазақстан Республикасының заңнамасына сәйкес мемлекеттік қызметтер көрсету жөніндегі қызметті жүзеге асыратын заңды тұлғаның кредиттік бюро мен Банкке кредиттік бюролар арқылы Субъект туралы қолда бар және болашақта келіп түсетін ақпаратты беруіне.
Банктен, Банк серіктестерінен кез келген ақпараттық материалдарды (жарнамалық сипаттағы ақпаратты қоса алғанда), оның ішінде Банктің, Банк серіктестерінің өнімдері және/немесе қызметтері және/немесе ұсыныстары туралы телефон, факсимильдік байланыс, байланыстың өзге де түрлері арқылы, сондай-ақ ашық байланыс арналары арқылы (оның ішінде SMS-хабарламалар, e -mail, факс, push-хабарламалар, дауыстық хабарламалар, қашықтан қол жеткізу жүйелері, әлеуметтік желілер және т. б.) алуға;
Банктің мені және құжаттарды суретке түсіруіне және бейнетүсіруіне.

2. Тұлғалар болып табылады:

ірі акционер және оның үлестес тұлғалары;
«Мемлекеттік кредиттік бюро» АҚ, «Бірінші кредиттік бюро» ЖШС, өзге де кредиттік бюролар, «ҰАТ» АҚ, сәйкестендіру деректерімен алмасу орталықтары, дербес деректерді қамтитын базалардың, оның ішінде мемлекеттік деректер базасының, дербес деректерге қол жеткізуді бақылаудың мемлекеттік сервисінің, дербес деректерге қол жеткізуді бақылаудың мемлекеттік емес сервистерінің операторлары/иелері, ҚБЕО, «Азаматтарға арналған үкімет «мемлекеттік корпорациясы» КЕАҚ, Мемлекеттік әлеуметтік сақтандыру қоры, «Бірыңғай жинақтаушы зейнетақы қоры» АҚ, «Қазақстанның орнықтылық қоры» АҚ;
Қазақстан Республикасының заңнамасында белгіленгендей, уәкілетті органдар, лауазымды тұлғалар, құқық қорғау органдары және өзге де уәкілетті тұлғалар;
сақтандырушылар, пошта және байланыс ұйымдары/операторлары, берешекті қайтару жөніндегі қызметтерді, консультациялық, заңды, аудиторлық, талдамалық, курьерлік, құжаттарды беру, ақпараттық-технологиялық өзара іс-қимылды қамтамасыз ету жөніндегі қызметтерді және өзге де қызметтерді қоса алғанда, бірақ бұлармен шектелмей, осындай өзге тұлғаларға банк алдындағы өз міндеттемелерін орындауға мүмкіндік беру үшін Банкке қызметтер көрсету үшін болашақта Банк жалдаған немесе жалданатын болатын кез келген өзге де тұлғалар, Банк жасасқан шарттар бойынша өзінің талап ету құқықтарын Банк беретін үшінші тұлғалар;
қызметтерді/тауарды алуға мүдделілігіне байланысты қызметтер көрсететін/тауарлар ұсынатын тұлғалар (оның ішінде Банк серіктестері);
Қазақстан Республикасының заңнамасына сәйкес мемлекеттік қызметтер көрсету жөніндегі қызметті Қазақстан Республикасы Үкіметінің шешімі бойынша жүзеге асыратын заңды тұлғалар;
Банк осындай тұлғалар өткізетін тауарларды/көрсетілетін қызметтерді сатып алуға қарыз беру туралы шарт/келісім жасасқан тұлғалар (оның ішінде серіктестер);
менің жұмыс берушіме (оның ішінде басшы қызметкерлер, кадрлар және бухгалтерия бөлімінің өкілдері).

3. Дербес деректер – электрондық, қағаз және/немесе өзге материалдық тасығышта тіркелген, маған қатысты кез келген мәліметтер, олар мыналардан тұруы мүмкін (қоса алғанда, бірақ онымен шектелмей):

сауалнаманы толтыру, сондай-ақ сәйкестендіру/аутентификациялау/тіркеу/авторизациялау үшін қажетті мәліметтер: тегі, аты, әкесінің аты; азаматтығы; резиденттігі; ұлты; жеке басын куәландыратын құжаттың деректері; жеке сәйкестендіру нөмірі; күні, орны және туу/қайтыс болу туралы деректер; жынысы; портреттік бейнесі (цифрланған көшірмесі); фото/ бейне; қолтаңба (өз қолымен және электрондық-цифрлық); биометриялық деректер (саусақ ізі, дауыс пен тұлғаның цифрлық көшірме бедері және т. б.); мөрлер, факсимиле, алгоритмдер, кодтар (таңбаларды қолдана отырып цифрлық, әріптік және құрамдастырылған), сөздер сәйкестендіргіштер немесе сәйкестендіру кодтары және сәйкестендіру/аутентификациялау/тіркеу/авторизациялау үшін пайдаланылатын өзге де деректер;
отбасылық/әлеуметтік жағдай туралы мәліметтер: неке қию/бұзу туралы куәліктің деректері, жұбайының (зайыбының) тегі, аты, әкесінің аты, жұбайының төлқұжаттық/сауалнамалық деректері; жұбайының (зайыбының) жеке басын куәландыратын құжаттың деректері; асырауындағылардың және/немесе отбасының өзге мүшелерінің бар/жоғы туралы; басқа отбасы мүшелерінің, асырауындағылардың туыстық дәрежесі, тегі, аты, әкесінің аты және туған күні; мен ресми өкіл және/немесе қамқоршы болып табылатын жеке тұлғалардың тізімі; мен Банкке заңды және ерікті түрде берген басқа да мәліметтер;
байланысты қолдау, сондай-ақ сәйкестендіру/ аутентификациялау/ тіркеу/ авторизациялау үшін қажетті мәліметтер: заңды мекенжайы (тіркелген жері), тұрғылықты жері (тұрақты немесе көбінесе тұратын жері), жұмыс орны мен лауазымы; ұялы байланыстың абоненттік нөмірі/телефон нөмірі (үй, жұмыс, ұялы, ID - телефон нөмірлерінің шифрланған сәйкестендіргіші), электрондық пошта мекенжайы және т.б.;
Банктің қызмет көрсетуімен (операциялар жүргізумен, мәмілелер жасасумен, әрекеттерді орындаумен) байланысты мәліметтер: шарттардың (келісімдердің), оларға қосымша келісімдердің мәтіндері, өтініштер мен келісімдер, хат алмасу, операциялар жүргізу туралы нұсқаулар (төлем, кассалық және өзге де құжаттар), құқық белгілейтін құжаттар, төлем карталары мен банктік шоттардың нөмірлері және т.б.;
іскерлік қатынастардың мақсаты мен сипаты туралы мәліметтер;
білімі, кәсіби қызметі, қызметтік жағдайы, іскерлік беделі туралы мәліметтер: кәсібі, біліктілігі (біліктілігін арттыруды қоса алғанда), лауазымы, ғылыми атағы, кәсіби палаталарға/ұйымдарға мүшелігі, шет тілдерін білуі және басқа да мәліметтер; жеке кәсіпкерді мемлекеттік тіркеу туралы деректер, лицензияланатын / рұқсат етілген қызметті жүзеге асыруға берілген лицензиялардың/рұқсаттардың деректері, соттылықтың болуы/болмауы, қылмыстық / әкімшілік жауапкершілікке тарту туралы ақпарат;
менің кредиттік (өзге) тарихым туралы мәліметтер, менің төлем қабілеттілігімді бағалау үшін қажетті мәліметтер: зейнетақы, салық және өзге де аударымдар, салықтар (оның ішінде есептелген және төленген) және бюджетке төлемдер туралы мәліметтер, берешек туралы мәліметтер, ресми, өздігінен декларациялайтын және өзге де кірістер мен шығыстар туралы мәліметтер және т.б.; банктік/жеке/теңгерімдік шоттардың болуы/болмауы туралы мәліметтер; қарыздардың, банктік шоттардың, ақшаның, оның ішінде сенімгерлік басқаруда және сенімгерлік сақтауда болуы/болмауы туралы мәліметтер (шарттардың деректері, оның ішінде шоттардың нөмірлері, төлем карталарының нөмірлері, төлем карталары бойынша кодтық ақпарат, кредиттік тарихтың кодтары, банктік қарыздың нысаналы мақсаты болып табылатын сатып алынатын мүлік туралы ақпарат, қарыз сомасы мен валютасы, кредиттеу мақсаты, кредиттеу шарттары, қарыз бойынша кепіл және/немесе өзге де қамтамасыз ету туралы мәліметтер, шоттар бойынша қозғалыстың қалдықтары мен сомалары, төлем карталарының түрі, лимиттер және басқа да мәліметтер);
қашықтан қызмет көрсетуді қоса алғанда, қызметтер көрсетудің тиісті сапасы және оны жақсарту, ұсынылатын қызметтерді дербестендіру үшін қажетті мәліметтер: көрсетілген қызметтер тарихы және мінез-құлық үлгілері, пайдаланылатын құрылғы туралы және құрылғыдағы датчиктерден деректер, айналадағы объектілер туралы мәліметтер (мысалы, Wi-Fi қол жеткізу нүктелері, ұялы байланыс антенналары және Bluetooth модуліне қосылған құрылғылар), метадеректер, cookie-файлдардың деректері, cookie-сәйкестендіргіштер, пиксель тегтері, IP-мекенжайлар, браузер мен операциялық жүйе туралы мәліметтер, телеметрия, геопозиция, қашықтықтан қол жеткізу жүйесін пайдаланған кезде мобильді құрылғыдағы байланыс тұлғаларының тізімі және т.б.;
мүлік (мүліктік жағдай) туралы мәліметтер: менің мүлкім туралы мәліметтер, осындай (кез келген) мүліктің кез келген форматтағы бейнесі (фото/видео) және т.б., мүлікке ауыртпалықтардың (тыйым салудың) болуы/болмауы туралы мәліметтер; сәйкестендіру деректері, тіркеудің, ауыртпалықтардың болуы (болмауы) туралы деректер; мүліктің жалпы сипаттамалары; құны; мүліктің мекенжайы (орналасқан/тіркелген жері), мемлекеттік тіркеу деректері, VIN-коды және басқа да мәліметтер;
банктік, сақтандыру, салықтық, дербес деректерді, сондай-ақ заңмен қорғалатын құпияның өзге де түрлерін құрайтын мәліметтер;
Банктің деректер базасының операторларымен, Банк контрагенттерімен, үшінші тұлғалармен өзара әрекеттесу үшін, сонымен қатар Қазақстан Республикасы заңнамасының және Банктің ішкі құжаттарының талаптарына сәйкес сауалнама толтыру, дерекнама қалыптастыру үшін Банкке қажетті өзге де мәліметтер; атқаратын лауазымдары, сондай-ақ осындай деректерді өзгерту және/немесе толықтыру туралы ақпарат; Банктің деректер базасының операторларымен, Банктің контрагенттерімен, үшінші тұлғалармен өзара іс-қимылы үшін мен өкілі болып табылатын заңды тұлғалардың тізбесі;
жоғарыда көрсетілген деректерді өзгерту және/немесе толықтыру туралы ақпарат.

4. Дербес деректерді жинау, өңдеу (оның ішінде, қоса алғанда, бірақ олармен шектелмей Банктің/операторлардың жүйелерінде және/немесе деректер базасында қағаз материалдық тасығыштарда және/немесе электрондық түрде/форматта жинау, өңдеу және сақтау) сонымен қатар мынадай мақсаттар үшін жүзеге асырылады:

Қазақстан Республикасының заңнамасына сәйкес Банк ұсынуы мүмкін банктік қарыздарды алуға менің өтінімімді қарау;
Қазақстан Республикасының заңнамасында көзделген банктік қарыз алу шеңберінде қызметтер, оның ішінде Банк маған тиісті шарттардың (келісімдердің) талаптарында көрсететін қашықтан қол жеткізу жүйелері арқылы ұсынылатын электрондық банктік қызметтер көрсету;
мәмілелер жасасу, оның ішінде Банкпен банктік қарыздар беру шеңберінде қамтамасыз ету және Банкпен операциялар жүргізу, Банктің мен көрсеткен әрекеттерді орындауы жөніндегі мүмкіндікті қарау;
Банкті ішкі бақылау және есепке алу, сондай-ақ Банк пен менің тиісті шарттар (келісімдер) бойынша өз міндеттемелерін тиісінше орындауын бақылау және растау;
Қазақстан Республикасының заңнамасына және тиісті шарттардың (келісімдердің) талаптарына сәйкес санкцияланбаған операциялардың тәуекелін барынша азайту мақсатында Банктің мені сәйкестендіруіне/ аутентификациясына/ тіркеуіне/ авторизациялауына және мен/Банк ұсынған/пайдаланатын мәліметтердің/ деректердің /алгоритмдердің/ кодтардың/ таңбалардың/ сәйкестендіргіштердің/ нөмірлердің анықтығын (дұрыстығын) тексеруге байланысты іс-шараларды (міндеттерді) орындауы (оның ішінде, Банктегі және Банкке қолжетімді басқа да көздерден дербес деректерді және өзге де мәліметтерді алу/салыстыру арқылы);
Банктің бухгалтерлік есепке алуда қолданылатын бастапқы құжаттарды Қазақстан Республикасы заңнамасында белгіленген мерзімдер бойына сақтау және есепке алу бойынша міндеттерін орындауы;
Банктің Қазақстан Республикасы заңнамасында белгіленген мәліметтерді, ақпараттарды, құжаттарды, материалдарды, құжаттамаларды сақтау бойынша міндеттерін орындауы;
Банк пен менің арамда тиісті шарттар (келісімдер) бойынша менің сұратуым бойынша және/немесе Қазақстан Республикасының заңнамасына сәйкес мұндай құқығы бар үшінші тұлғаның сұратуымен операциялардың жүзеге асырылғанын растау;
Банк құқықтарын сотта және соттан тыс қорғау: (і) тиісті шарттар (келісімдер) бойынша міндеттемелер бұзылған жағдайда; (іі) даулы жағдайлар, оның ішінде үшінші тұлғалармен даулы жағдайлар туындаған жағдайда;
Банктің коллекторлық агенттіктермен және/немесе өзге де мамандандырылған тұлғалармен немесе шарттар (келісімдер) бойынша міндеттемелер бұзылған жағдайда тиісті шарттар (келісімдер) бойынша берешекті өндіріп алу жөніндегі іс-шараларды жүзеге асыру тапсырылатын Банк қызметкерлерімен/өкілдерімен жұмыс істеу, сондай-ақ кепіл мүлкін өткізумен байланысты сауда-саттық жүргізуі;
Банктің берілген банктік қарыз шеңберінде Банк алдында мерзімі өткен берешекпен жұмысты ұйымдастыруы;
Қазақстан Республикасы заңнамасының талаптарын сақтай отырып, бұқаралық ақпарат құралдарында жария (ашылған) деректер мен мәліметтерді орналастыруы;
Банктің бір қарыз алушыға тәуекелдің ең жоғары мөлшерін есептеуі және пруденциалдық нормативтерді, сақталуға міндетті өзге де нормалар мен лимиттерді сақтауы және «айқындылықты» тексеруі;
Банк пен менің арамда жасалған (жасалуы мүмкін) кез келген мәмілелерді жасасуға және/немесе орындауға қатысы бар және/немесе қатысы болуы мүмкін үшінші тұлғалармен Банктің өзара іс-қимылы (үшінші тұлғалардың Банкпен, үшінші тұлғалардың бір-бірімен өзара іс-қимылы үшін);
уәкілетті органдарға (органдардан), аудиторлық, бағалау және өзге де құзыретті ұйымдарға (ұйымдардан), мемлекеттік және жеке кредиттік бюроларға (бюролардан), акционерлерге (акционерлерден) және/немесе үлестес тұлғаларға (тұлғалардан) және / немесе Банкпен ерекше қатынастармен байланысты тұлғаларға (тұлғалардан), деректер базасының операторларына (операторлардан), Банктің контрагенттеріне (контрагенттерінен) банктің есептілікті және/немесе ақпаратты беруі/алуы;
математикалық, статистикалық және мінез-құлық модельдерін, ақпараттық жүйелерді, деректер базасын (оның ішінде талдау, модельдеу, болжау) әзірлеу, сақтау және қолдану;
кредиттік өнімдер бойынша, оның ішінде алдын ала немесе түпкілікті шешіммен маркетингтік және өзге де ұсыныстарды, акцияларды әзірлеу;
Банктің тиісті шарттарында (келісімдерінде), өнімдерінде тәуекелдерді сақтандыру және (немесе) сақтандырудың өзге түрлері қарастырылған болса, оны жүзеге асыру;
ақпаратпен алмасу, оның ішінде, менің (және/немесе үшінші тұлғалардың) өтініштерімді, шағымдар, ұсыныстар, ұсынымдар, наразылықтар, тапсырмалар және т.б. қарау және/немесе оларға жауап беру, хат-хабарды (поштаны) менің атыма беру (алу) үшін, курьер, курьерлік қызмет, экспресс пошта және т.б. қызметтері арқылы жөнелту (жеткізу)/алу үшін;
егер осындай басқаға беру тиісті шарттардың (келісімдердің) талаптарында көзделсе, банктік қарыз шарттары (келісімдері) және қарызды қамтамасыз ету жөніндегі шарттар бойынша банктің талап ету құқықтарын басқаға беруі;
Банк немесе Банк серіктесі ұсынатын сервистерді дербестендіру;
Банктің маған банктік қарыз шеңберінде сервистік қызмет көрсетуді жүзеге асыратын үшінші тұлғалармен өзара іс-қимылы;
Банк пен ірі акционер, сондай-ақ олар жалдаған ұйымдар/тұлғалар жүзеге асыратын кепілдік қамтамасыз етуді қоса алғанда, мониторинг;
банктік қарыз шеңберінде алаяқтық және/немесе күдікті операцияларды анықтау және олардың алдын алу үдерісі;
тексерулер/тергеулер, оның ішінде ішкі тексерулер жүргізу;
менімен қашықтан тәсілмен іскерлік қарым-қатынас орнату кезінде, сондай-ақ маған электрондық банктік қызметтерді көрсету кезінде сәйкестендіру құралдарын (оның ішінде биометриялық сәйкестендіру/аутентификациялау) пайдалана отырып, мені сәйкестендіру/аутентификациялау;
Банктің Қазақстан Республикасының заңнамасында көзделген міндеттемелерді орындауы;
қызметтер көрсететін/тауарлар ұсынатын тұлғаның мені сәйкестендіру/аутентификациялау/тіркеу/авторизациялау жөніндегі тиісті іс-шараларды орындауы;
Банктің тәуекелдерді бағалауы (Банктің тәуекелдерді басқару жүйесін қалыптастыруы және құруы, Банктің тәуекелдерді тиімді басқаруы, оның ішінде тәуекел-профилін, тәуекел-дәрежесін және т.б. айқындау үшін);
Қазақстан Республикасының заңнамасында белгіленген (белгіленуі мүмкін) немесе Банк пен менің арамда жасалатын шарттарда және мен Банкке және/немесе Банк маған жіберетін өзге де құжаттарда көзделген өзге де мақсаттар.

5. Осы арқылы мен мыналарды растаймын:

егер Қазақстан Республикасының заңнамасында өзге талаптар белгіленбесе, Банк менің дербес деректерімді банктік құпияны құрайтын ақпаратты қорғау режиміне ұқсас режимде қорғайтыны туралы Банк хабардар етті;
дербес деректерді жинауға және өңдеуге арналған жазбаша келісім, егер бұл Қазақстан Республикасының заңдарына қайшы келетін болса не Банк алдында орындалмаған міндеттеме болған кезде кері қайтарып алуға жатпайды;
Банк Қазақстан Республикасының заңдарында белгіленген жағдайларда, оның ішінде берешекті өндіріп алу жөніндегі Қазақстан Республикасының заңнамасында тыйым салынбаған кез келген іс-шараларды жүргізу мақсаттары үшін өзге банктерде және/немесе ұйымдарда дербес деректерді жинауды және өңдеуді менің келісімімсіз жүргізуге құқылы;
Банк менің дербес деректерімді меннен және кез келген үшінші тұлғалардан жинауға (алуға) және өңдеуге, сондай-ақ менің дербес деректерімді осы Келісімде (трансшекаралық беруді қоса алғанда) көрсетілген үшінші тұлғаларға беруге, сондай-ақ дербес деректерді Қазақстан Республикасы заңнамасының талаптарын және халықаралық құқық талаптарын (халықаралық шарттардың талаптарын) ескере отырып, жалпыға қолжетімді дереккөздерде таратуға құқылы;
егер Банк пен менің арамда жасалған тиісті шартта (шарттарда) Банктің менің дербес деректерімді ашық байланыс арналары арқылы беруі (трансшекаралық беруді қоса алғанда) көзделген/көзделетін болса, мен үшінші тұлғалардың санкцияланбаған ақпарат алу тәуекелін ұғынамын және осындай тәуекелді өзіме қабылдаймын;
дербес деректерді жинауға және өңдеуге келісім Банкке Қазақстан Республикасының заңнамасында белгіленген тәртіппен менің дербес деректеріммен осындай, оның ішінде автоматтандыру құралдарын пайдалана отырып немесе соңғысын пайдаланбай жасалатын кез келген әрекетті (операцияны) немесе әрекеттер (операциялар) жиынтығын жүзеге асыру құқығын береді, оның ішінде, бірақ олармен шектелмей, жинау, өңдеу, жазу, көшіру, резервтік көшіру, қорғау, скрининг, жүйелеу, жинақтау, Банк ішінде және одан тыс жерлерде сақтау (қауіпсіздік және құпиялылық талаптарын сақтай отырып), нақтылау (өзгерту, жаңарту), алып тастау, пайдалану, тарату (беру, қолжетімділік беру, соның ішінде трансшекаралық беруді қоса алғанда, менің дербес деректерімді өңдеу құқығымен үшінші тұлғаларға беру), иесіздендіру, бұғаттау, алып тастау, жою, оның ішінде, егер бұл Қазақстан Республикасы заңнамасының талаптарына қайшы келмесе, Банктің тапсырмасы бойынша үшінші тұлғаның осы әрекеттерді жүзеге асыруы;
Банктің үшінші тұлғалардан алғаны және/немесе банктің осы Келісімде көрсетілген үшінші тұлғаларға менің дербес деректерімді бергені туралы маған хабарлау талап етілмейді, мұндай дербес деректерді банк ескертусіз жинауы, өңдеуі, беруі мүмкін;
дербес деректерді жинауға және өңдеуге келісім осы Келісімде көрсетілген үшінші тұлғаларға менің дербес деректерімді жинауға және өңдеуге келісім бергенімнің дәлелі ретінде берілуі мүмкін;
Банктің келесі әрекеттерін түсінемін және олармен келісемін:
1. Банкпен құқықтық қатынастар тоқтатылғаннан кейін менің дербес деректерімді кез келген тасымалдағышта Қазақстан Республикасының заңнамасында және Банктің ішкі құжаттарында белгіленген мерзім ішінде сақтайды;
2. ұсынылған деректердің дұрыстығын тексере алады, сондай-ақ құжаттарда көрсетілген мәліметтердің кез келгені бойынша қосымша ақпарат ала алады;
3. мен Банкке Қазақстан Республикасының заңнамасына сәйкес банктік қарыз беру үшін қажетті менің дербес деректерімді беруден бас тартқан жағдайда, маған банктік қарыз алуға байланысты мәміледен бас тартуға мәжбүр болады;
4. менің профилімді қалыптастырады және нәтижесінде Банк маған банктік қарыз бере алады;
5. Қазақстан Республикасының заңнамасында көзделген мерзімдерге сәйкес мәліметтерді, оның ішінде дербес деректерді және банктік құпияны қамтитын мәліметтерді жинауға және өңдеуге келісім қолданылатын мерзімді белгілейді;
мен маған қатысты заңды салдарларды тудыратын немесе маған елеулі әсер ететін профильді қалыптастыруды қоса алғанда, тек қана автоматты өңдеуге негізделген шешімнің әрекетіне түсуім мүмкін.
Банк осы Келісімнің талаптарымен танысу үшін қажетті уақыт берді.

6. Мен келісімді Қазақстан Республикасы заңнамасының талаптарына қайшы келмейтін, келесіні қоса алғанда, бірақ онымен шектелмейтін кез келген тәсілмен бере аламын (оның берілуін растаймын):

жазбаша қағаз тасығышта;
электрондық цифрлық қолтаңбамен қол қойылған электрондық құжат нысанында;
дербес деректерге қолжетімділікті бақылаудың мемлекеттік және / немесе мемлекеттік емес сервисі арқылы;
келісімді растауға мүмкіндік беретін кез келген өзге тәсілмен (телефон арқылы немесе коммуникацияның өзге құралы арқылы, интернет-ресурстардың арнайы белгіленген өрістеріне тиісті белгілер қою арқылы, ақпараттық жүйелерде, аппараттық-бағдарламалық кешендерде, бағдарламалық жасақтамада немесе келісім беруді білдіретін іс-әрекеттер ретінде белгіленген (мысалы, пайдалануды жалғастыру) әрекеттер ретінде белгіленген сервистік бағдарламалық өнімде әрекеттер жасау арқылы).

«Bereke Bank» АҚ Басқарма Төрағасы

"Қазақстан Республикасында зейнетақымен қамсыздандыру туралы" Қазақстан Республикасы Заңының 57-бабына сәйкес осы арқылы «Bereke Bank» АҚ-ға "Азаматтарға арналған үкімет" МК КЕАҚ менің табысымнан Бірыңғай жинақтаушы зейнетақы қорына аударылатын міндетті зейнетақы жарналары туралы ақпаратты алуына рұқсат беретінімді мәлімдеймін.

Осы арқылы келесіге өз келісімімді беремін:

«Bereke Bank» АҚ-ға (бұдан әрі - Банк) және/немесе онымен жасалған шарт/келісім негізінде Банкке қызмет көрсетуге уәкілетті серіктестеріне келесі іс-әрекеттерді орындауға келісім беремін: • Мені суретке түсіруге және/немесе бейнетүсірілім жүргізуге; • Банктің банктік қызмет көрсетуі мақсатында "Дербес деректер және оларды қорғау туралы" ҚР Заңына сәйкес дербес, биометриялық деректерді жинауға, өңдеуге және сақтауға.
«Bereke Bank» АҚ-ға (бұдан әрі - Банк) келесі іс-әркеттерді орындауға келісімін береді: • Мен туралы ақпаратты Банк ақпарат беру туралы шарт жасасқан барлық кредиттік бюроларға беруге; • Болашақта түсетін ақпаратты қоса алғанда, соның ішінде мен Банкпен жасасқан банктік қарыз шарттары бойынша міндеттемелерімді орындағаннан кейін кредиттік бюролардан кредиттік есепті алуға; • Келесі тұлғаларға мен туралы мәліметтерді (дербес деректер), сондай-ақ Банк пен менің арамда жасалған шарттар/келісімдер бойынша міндеттемелерді орындауға байланысты ақпаратты (с.і. банктік және заңмен қорғалатын өзге құпияны) ашуға (табыстауға, беруге, жариялауға, соның ішінде трансшекаралық табыстауға): — сақтандырушыға (сақтандыру ұйымдарына), пошта және байланыс ұйымдарына, Банк болашақта Банктік қызмет көрсету үшін, соның ішінде, бірақ шектелмей берешекті қайтару бойынша қызметтер, консультациялық, заңды, аудиторлық және өзге де қызметтерді көрсету үшін қабылдаған немесе қабылдайтын кез-келген үшінші тұлғаларға, мұндай тұлғаларға Банк алдында өз міндеттемелерін орындауға мүмкіндігін беру үшін; — Банк менімен жасалған шарттар бойынша өзінің талап ету құқықтарын беретін үшінші тұлғаларға; — менің жұмыс берушіме.
«Мемлекеттік кредиттік бюро» АҚ-ға және/немесе «Bereke Bank» АҚ-ға (бұдан әрі - Банк) келесі іс-әркеттерді орындауға: • «Мемлекеттік кредиттік бюро» АҚ-ның дербес және/немесе биометриялық деректерді жинауына, өңдеуіне және Банктің дербес және/немесе биометриялық деректерді «Мемлекеттік кредиттік бюро» АҚ-ға беруіне; • «Мемлекеттік кредиттік бюро» АҚ-ның Мемлекеттік деректер базасының (бұдан әрі - МДБ) операторларынан/ иегерлерінен МДБ-ден мен туралы ақпарат алуына; • «Мемлекеттік кредиттік бюро» АҚ-ның Банкке МДБ-ден алынған ақпаратты беруіне; • Банктің МДБ-ден алынған мен туралы ақпаратты алуына; • МДБ иегерлеріне барлық МДБ-ден мен туралы ақпаратты «Мемлекеттік кредиттік бюро» АҚ-ға тікелей немесе үшінші тұлғалар арқылы беруге;

Банк ішіндегі аударымдар